كەركووك.. کەسێک کۆتایی بە ژیانی خۆی هێنا

ئێوارەی چوارشەممە لە گەڕەكی پەنجا عەلیی شاری كەركووك، پیاوێكی كورد كۆتایی بە ژیانی خۆی هێنا. عەقید یوسف ساڵح، ئەفسەری بنكەی پۆلیسی دۆمیزی كەركووك، هەواڵەكەی بۆ (باسنیوز) پشتڕاست كردەوە و ڕایگەیاند، پیاوێك بە ناوی (فەلاح سەباح شەریف) لە دایكبووی ساڵی 1980 لە گەڕەكی پەنجاعەلیی شاری كەركووك گوللەیەکی لە خۆی داوە و بەو هۆیەوە گیانی لەدەست داوە. گوتیشی: “بەپێی لێكۆڵینەوە سەرەتاییەكان ئەو پیاوە قەرزارێكی یەكجار زۆر بووە و پۆلیس لەبارەی ڕووداوەکەوە دەستی بە ڵێكۆڵینەوە كردووە”.