ل شێخان چەند تى ئێن تیێن پەکەکێ هاتنە ژناڤبرن

ل سنورێ قەزا شێخان، چەند تى ئێن تى ل سەر جاددەکا سەرەکى هاتنە پۆچەلکرن، کۆ لدیڤ گۆتنا قایمقامێ شێخان ب دەستێن پەکەکێ هاتبونە چاندن. سەردار یەحیا، قایقمامێ قەزا شێخان بۆ(باسنیوز) دیارکر: درەنگە ئێڤاریا ئەڤرۆ یا رۆژا پێنجشەمبى، ئەم هاتینە ئاگەهدارکرن، کۆ ل سەر جاددا گۆندێ بێگەهێ، سەر ب قەزا شێخان ڤە، چەند تى ئێن تیەک هاتینە دیتن ل نێزیکى جاددا وى گۆندى، هەر بلەز تیمێن تایبەت یێن ئەندازیارى بەرەڤ وى جهى ڤە چوون، بۆ پۆچەلکرنا وان تى ئێن تیا، کۆ ل ناڤ گۆندێ بێگەهێ بتنێ خەلکێ ئاساى ژیانێ دەرباز دکەت، تا وى ئاستى هێزێن پێشمەرگەى ژى ل وى گۆندى نینن. قایمقامێ شێخان دۆپات ژى کر: ئەو تى ئێن تیە بلەز هاتینە پۆچەلکرن، هەلبەت ئەم پشت راستین کۆ پەکەکێ ئەو تى ئێن تیە ل سەر وێ جاددێ دانانە و ئارمانجا پەکەکێ تێکدانا رەوشا ئێمناهیا دەڤەرا مەیە، لەورا ئەڤ کریارە بەردەوام ژ پەکەکێ هاتینە دیتن.