کەرکووک.. چەكدارانی داعش هاوەنبارانی ناوچەیەكیان كرد

لە سنووری قەزای داقووقی سەر بە پارێزگای كەركووك تیرۆریستانی داعش هاوەنبارانی ناوچەكەیان كرد و لە ئەنجامدا سەربازێك بە سەختی برینداربوو. لویس فەندی، قائیمقامی داقووق، بە (باسنیوز)ی ڕاگەیاند: ئێوارەی ئەمڕۆ دووشەممە 1ی8ی2022، چەكدارانی داعش چەند گوللە هاوەنێكیان ناوە بە سەنگەرێكی سوپای عێراق لە سنووری گوندی خەشامنەی چەمی ڕۆخانەی سەر بە قەزای داقووق. قائیمقامی داقووق ئەوەشی خستە روو کە لە ئەنجامی هاوەنبارانەکەی داعش سەربازێكی سوپای عێراق برینداربوو. بەپێی زانیارییەكان جگە لە برینداربوونی ئەو چەكدارەی داعش زیان بەر ئۆتۆمبێلی سەربازی هێزەكەش كەوتووە.