تەرمی قوتابییەك لە ئاودەستی قوتابخانەكەی دۆزرایەوە

ئەمڕۆ دووشەممە تەرمی قوتابییەكی قۆناغی سەرەتایی بە كوژراوی لەناو ئاودەستی قوتابخانەكەیدا لە شاری كووتی سەر بە پارێزگای واستی باشووری رۆژهەڵاتی عێراق دۆزرایەوە. میدیاكانی عێراق بڵاویان كردەوە قوتابییەكە ناوی ئەحمەد حسێن بووە و لە رۆژی تاقیكردنەوەدا ون بووە، دواتر تەرمەكەی بە كوژراوی لەناو ئاودەستێكی قوتابخانەی سەرەتایی (ئەلرەفعە) لە گەڕەكی جیهادی شاری كووت دۆزراوەتەوە. تەرمی كوڕە قوتابییەكە رەوانەی پزیشكی داد كراوە و هیچ زانیارییەك لەبارەی چۆنیەتی كوژرانی و هۆكارەكەی رانەگەیەندراوە.