بنكەی سەربازیی توكیا لە زیلكان مووشەكباران كرا

بەیانیی ئەمڕۆ چوارشەممە 1ی 2ی 2023، سەربازگەی زیلكان لە ناحیەی باشیكی سەر بە پارێزگای نەینەوا، بە مووشەك هێرشی كرایە سەر. بە گوێرەی ئەو زانیارییانەی پەیجی (دژەتیرۆری کوردستان) بڵاوی كردۆتەوە، كاتژمێر 7:45 خولەكی بەیانیی ئەمڕۆ چوارشەممە، هەشت مووشەک ئاراستەی سەربازگەی زێلکان لە ناحیەی باشیکی سەر بە پارێزگای نەینەوا كراوە کە تێیدا هێزەکانی سوپای تورکیا جێگیر كراون.پەیجی دژەتیرۆری كوردستان ئەوەشی ئاشكرا كردووە كە دوو لە مووشەکەکان لەناو سەربازگەکە کەوتوونەتە خوارەوە و مووشەکەکانی دیکە لە دەوروبەری سەربازگەکە کەوتوونەتە خوارەوە و هیچ زیانێکی گیانیی لێ نەکەوتووەتەوە.