په‌یڤدارێ رێڤه‌به‌ریا به‌ره‌ڤانیا باژێرى لدهۆكێ دیاركر ئه‌ڤرۆ تیمێن حكوومه‌تا هه‌رێما كوردستانێ ل باژێرى ئه‌سلاحیى توركیا هه‌ولێن رزگاركرنا 12 كه‌سان بن ئاڤاهیه‌كێ هه‌رڤتیىدا دكه‌ن. بیوار عه‌بدولعه‌زیز، په‌یڤدارێ رێڤه‌به‌ریا به‌ره‌ڤانیا باژێرى لدهۆكێ دگه‌ل تیمى حكوومه‌تا هه‌رێما كوردستانێ بۆ هاریكاریا لیقه‌ومایان چوویه توركیا بۆ (باسنیوز) راگه‌هاند كو: “ئه‌ڤرۆ سپێدى تیمین حكوومه‌تا هه‌رێما كوردستانێ ده‌ست ب لیگه‌ریان و رزگاركرنا 12 كه‌سان كریه ماینه بن ئاڤاهیه‌كێ هه‌رڤتى دا ل ئه‌سلاحیى وه‌لاتى توركیا هیشتا دیار نینه ئه‌ڤ 12 كه‌س ماینه ژیانیدا یان ژى گیانى خۆ ژ ئه‌گه‌رێ ئه‌رد هه‌ژا توركیا ژ ده‌ستداینه، نوكه كار لسه‌ر ئاڤاهیى یێ دهێته كرن بۆ دیتنا چاره‌نڤیسى 12 كه‌سان.” ئاماژه دا وى چه‌ندى ژى كو: “تیمین حكوومه‌تا هه‌رێما كوردستانێ و ده‌زگاى خیرخوازیێ بارزانى ل توركیا به‌رده‌وامن ل سه‌ر هاریكاریا خه‌لكێ لیقه‌ومایێ هه‌تا نوكه دوو كه‌س ب ساخێ ژ بن ئاڤاهیه‌كێ رزگاركرینه و چار ته‌رم ژى ئیناینه ده‌ر به‌رده‌وام كار لسه‌ر لیگه‌رن و رزگاركرنا قوربانیان هێته كرن و تیمین ساخله‌مى ژى به‌رده‌وام برینداران چاره‌سه‌ر دكه‌ن.”
تیمێن حكوومه‌تا هه‌رێما كوردستانێ ل توركیا هه‌ولێن رزگاركرنا 12 كه‌سان دكه‌ن
