وەزارەتی کارەبا هەواڵێکی خۆش ڕادەگەیەنێت

وەزارەتی كارەبای هەرێمی كوردستان ئاشكرای دەكات، لە هەندێک شوێن ئێستا کارەبای نیشتمانی لە سەرووی 23 کاتژمێرە. ئومێد ئەحمەد، گوتەبێژی وەزارەتی كارەبای حكوومەتی هەرێمی كوردستان، بە (باسنیوز)ی ڕاگەیاند: “بەرهەمی یەکەیەکی کارەبا بەهۆی کێشەیەک لە تۆڕی کارەبای نیشتمانی دەرچووبوو، بەڵام ئێستا گەڕاوەتەوە و بارودۆخەکە ئاساییە و کارەبا زیادی کردووە.” گوتەبێژی وەزارەتی کارەبا هەواڵێکی خۆشیشی ڕاگەیاند و گوتی: “ئێستا پێدانی کارەبای نیشتمانی لە هەندێ ناوچە سەرووی 19 کاتژمێرە و لە گەرمیان 23  کاتژمێر زیاترە.” ئومێد ئەحمەد جەختی کردەوە، بەرهەمهێنانی کارەبا چوار هەزار مێگاوات كارەبایە و هەوڵەکانیش بۆ زیادکردنی بەرهەم بەردەوامن.