تیپێكی شایی و هەڵپەڕکێی کوردی لە ئۆڵۆمپیادی سەما جیهانییەکاندا پلەی دووەمیان بەدەست هێنا

لە ئۆڵۆمپیادی سەما جیهانییەکاندا كە لە ڕۆژی سەمای جیهانی لە یونسکۆ بەڕێوەچوو، تیپێكی شایی كوردی پلەی دووەمیان لەسەر ئاستی وڵاتانی رۆژهەڵاتی ناوەڕاست بەدەست هێنا. تیپی شاییە كوردییەكە لە دوو کچی ڕووسیایی پێك هاتبوون و لەلایەن لیلی میرۆنۆڤۆ راهێنەری سەمای رووسیایی فێر كرابوون، لەلایەن دکتۆر دانەر ئەبوبەکر نوێنەری کاربەرێکەری نوێنەرایەتی حکوومەتی هەرێمی کوردستان لە ڕووسیای فیدراڵ دیارییان پێ درا و پیرۆزباییان لێ كرا. ‏‎نوێنەرایەتی حکوومەتی هەرێمی کوردستان لە ڕووسیای فیدراڵ پێشتریش چەند پڕۆژەی کولتووری و کاروباری نەتەوەیی گەڵاڵە كردووە.