سێ شەوە لە بەسرا شەڕە و هێزێكی ئەمنیی زۆر لە شارەكەدا بڵاو كراونەتەوە

ئەمشەو هێزێكی ئەمنیی گەورە لەناو شاری بەسرا بڵاو كرایەوە، ئەمەش دوای ئەوەی لە شەوی دووشەممەوە شەڕ و پێكدادانی چەكداری شارەكەی گرتبووەوە و تا ئەمشەو بەردەوام بوو. میدیاكانی عێراق بڵاویان كردەوە دوای ئەنجامدانی نمایشی سەربازی لەلایەن میلیشیاكانی شیعەوە لە بەسرا، شەڕ و پێكدادان شارەكەی گرتەوە. لەمبارەیەوە عەلی شیاع گوتەبێژ بە ناوی پۆلیسی بەسرا بە میدیاكانی وڵاتەكەی راگەیاندووە كە باری لەناكاوی ئەمنی لە بەسرا راگەیاندراوە بۆ گەڕاندنەوەی سەقامگیریی بۆ شارەكە.