ئەمڕۆ دووشەممە 17ی 7ی 2023، ئاژانسی هەواڵگری و لێكۆڵینەوەی عێراق ئاشكرای كرد، دوو ئافرەت بە تۆمەتی فرۆشتنی منداڵێكی تەمەن نۆ مانگ دەستگیر كران. ئاژانسەكە ئاشكرای كردووە كە هێزەكانیان لەسەر زانیاریی هەواڵگری و لە بۆسەیەكدا توانییان دوو مافیای بازرگانیكردن بە مرۆڤەوە دەستگیر بكەن كە پێك هاتوون لە دوو ژن لەو كاتەی ویستیان منداڵێك بفرۆشن. ئاشكراش كراوە، مافیاكان ویستیان منداڵێكی تەمەن نۆ مانگ بە 25 ملیۆن دینار بفرۆشن، یەكێك لە ئافرەتەكان دایكی منداڵەكەیە و دوای وەرگرتنی گوتە لێیان، ڕاپێچی بەردەم دادگا دەكرێن.
دوو ژن لەو كاتەدا دەستگیر كران کە ویستیان منداڵێكی تەمەن نۆ مانگ بە 25 ملیۆن دینار بفرۆشن
