بەرى دەمەکێ، ل قەزا ئامێدیێ کەسەک ب چەکێ هەڤالەکێ خۆ هاتە کۆشتن. عەقید هێمن سلێمان، پەیڤدارێ رێڤەبەریا پۆلیسێن پارێزگەها دهۆکێ بۆ(باسنیوز) دیارکر: ئەڤرۆ رۆژا ئەینى، ل سنورێ ناحیا چەمانکێ سەر ب قەزا ئامێدیێ ڤە، کەسەک ب ناڤێ( گۆرگیس یاقۆ بۆزو) دگەل چار هەڤالێن خۆ ب مەبەستا نێچیرکرنێ قەستا ئاقارێن وێ دەڤەرێ دکەن، لێ ژ نشکەکێ ڤە، ئەو کەسە دکەڤیتە بەر گۆلا چەکێ هەڤالەکێ خۆ و وگیانێ خۆ ژ دەست ددەت. پەیڤدارێ پۆلیسێن دهۆکێ گۆتژى: ئەو کەسە ژ ئەگەرێ دەرکەفتا گۆلەکێ ژ چەکێ هەڤالەکێ خۆ هاتیە کۆشتن، تۆمەتبارى خۆ رادەستى پۆلیسان کریە و دیارکریە کۆ ب خەلەتى ڤە هەڤالێ وان هاتیە کۆشتن، لەورا لدیڤ بەندێ ٤٠٥ ژیاسایێن سزاى، ئەو تۆمەتبارە هاتیە دەستەسەرکرن و ڤەکۆلین لدور رۆیدانێ بەردەوامە.
ئامێدیێ.. کەسەک ب چەکێ هەڤالێ خۆ هاتە کۆشتن
