عەبدوڵا هەرکى تووشى روویدانەکا هاتنوچوونێ بوو

سپێدەهیا ئەڤرۆ هونەرمەندێ بەرنیاس یێ خەلکێ پارێزگەها دهۆکێ لسەر جادا سەرەکى یا دهۆک بۆ ئاکرێ تووشى روویدانەکا هاتنوچوونێ بوو. لدیڤ پێزانینێن (باسنیوز)، سپێدەهیا ئەڤرۆ یا رۆژا دووشەمبى 21/8/2023، هونەرمەند عەبدوڵا هەرکى دا ژ ئاکرێ بەرەڤ دهۆکێ ڤە هێـت، ل کۆمەلگەها چرەى تووشى روویدانەکا هاتنوچوونێ دبیت. نێچیرڤان فەخرەدین، پەیڤدارێ رێڤەبەریا ساخلەمیا قەزا ئاکرێ بۆ (باسنیوز) دیار کر: “سپێدەهیا ئەڤرۆ هونەرمەند عەبدوڵا هەرکى ل سەر جاددا سەرەکى یا ئاکرێ بۆ دهۆکێ ل کۆمەلگەها چرەى سەر ب قەزا شێخانڤە تووشى روویدانەکا هاتنوچۆنێ بوویە، پشتى کوو بۆ نەخۆشخانا تەنگاڤیا هاتییە رەوانەکرن، چارەسەرى بۆ هاتییە کرن، لێ تا رادەیەکێ زیان گەهشتیە مللێ وى، لێ ساخلەمیا وى باش و جێگیرە”. جهێ ئاماژەدانێیە، هونەرمەند عەبدولا هەرکى خودان پرۆگرامەکێیە ل تەلەڤزیونەکا دهۆکێ، دەما کوو ئەڤرۆ هەول داى ژ ئاکرێ بەرەڤ دهۆکێڤە بهێت تووشى وێ روویدانێ بوویە.