لسه‌ر ئاستێ هه‌رێما كوردستانێ و عیراقێ ئێكه‌م ماموستا كوو خه‌لكێ پارێزگه‌ها دهۆكێیه ل وه‌لاتێ ئه‌لمانیا پشكداریى خوله‌كا تایبه‌ت لدور ئه‌ردهه‌ژا بوو. د. جه‌مال دۆسكى، كۆ راگرێ كۆلیژا ته‌كنیكیى ئه‌ندازیارییه ل زانكۆیا پۆلیته‌كنیكى یا دهۆكێ بۆ (باسنیوز) دیار كر: “وه‌ك ئێكه‌م ماموستایێ زانكۆیێ ل هه‌رێما كوردستانێ و عیراقێ ئه‌ز پشكدارى خوله‌كا تایبه‌ت لدور ئه‌ردهه‌ژا بوومه كوو ل وه‌لاتێ ئه‌لمانیا ب پشكداریا شه‌ش هزار ئه‌كادیمیان لسه‌ر ئاستێ جیهانێ، ئه‌و كۆنفرانسه برێڤه چوویه.” گۆتژى: “ئه‌ڤ خوله ژلایێ سه‌نته‌رێGFZ ڤه هاتبوو رێكخستن كوو ژ باشترین سه‌نته‌رێن كاروبارێن ئه‌ردهه‌ژایه ل ئه‌ورووپا كوو گرێداى سه‌نته‌رێ ڤه‌كۆلینێن ئه‌ورووپا بوو”. راگرێ كۆلیژا ته‌كنیكى ئه‌ندازیارى ل زانكۆیا پۆلیته‌كنیكى یا دهۆكێ ئه‌و چه‌نده ژى دا دیاركرن: “نێزیكى شه‌ش هزار ئه‌كادیمى ل كۆنفرانسێ ناڤبرى پشكدار بوون، ئه‌ز ژى ل هه‌رێما كوردستانێ و عیراقێ ئێكه‌م ماموستایێ زانكویێ بووم شیام پشكداریێ تێدا بكه‌م و چه‌ندین بابه‌تێن جودا جودا لدور ئه‌ردهه‌ژا و بابه‌تێ دیڤچوونا ئه‌ردهه‌ژا و ئه‌گه‌رێن درۆستبوونا ئه‌ردهه‌ژا و چه‌وانیا به‌رگریا ئاڤاهیان به‌رامبه‌ر ئه‌ردهه‌ژان هاتنه به‌حسكرن.”
ئه‌لمانیا.. ئێكه‌م ماموستا لسەر ئاستێ كوردستان و عیراقێ پشكداریی خوله‌كا تایبه‌ت لسه‌ر ئه‌ردهه‌ژا بوو
