قایمقامێ قەزا سێمێلێ دیار کر کوو، حکوومەتا ھەرێما کوردستانێ گرنگیەکا مەزن ھەموو دەڤەرێن ھەرێما کوردستانێ دایە ب تایبەتی ژی پارێزگەھا دھۆکێ ل قەزا سێمیلێ ١٥٧ پرۆژە ھاتینە بجەئێنان نووکە چەندێن پرۆژە لژێر بجەئێنانێدانە.
خەلیل مەحموود، قایمقامێ قەزا سێمێلێ، بۆ (باسنیوز) راگەھاند کوو: “ب گوژمێ ١٢ ملیار دینار ھاتینە تەرخانکرن بۆ بجەئێنانا ھژمارەکا پرۆژەیێن نوی یێن خزمەتگوزاری ھەموو پرۆژە دھێنە راگەھاندن، ٢٣ پرۆژە ھاتبوونە پێشکێشکرن بۆ ئێدارا پارێزگەھا دھۆکێ پتریا وان پرۆژەیێن شارەوانی بوون، رازەمەندی لسەر ٢٠ پرۆژە ھاتییە کرن، پتر ژ ١٧ کیلۆمەترین جادەیان دھێنە چێکرن و رێکێن گوندان ژی دھێنە دروستکرن، تۆرێن ئاڤا ڤەخوارنی بۆ گوندان دھێنە چێکرن و حەفت قوتابخانا ل سنۆرێ سێمیلێ دھێنە نوژەنکرن و کەرتی کارەبیدا ژی چەند پرۆژە دھێنە بجەئێنان، بتایبەتی ژی سنۆری ناحیا خانکێ و مسیریکێ دێ روناھیا جادەیان ھێتە چێکرن “.
ئاشکەرا کر کوو: “ل سنۆری باژێرڤانیا تەناھی ژی چەندێن پرۆژە دھێنە بجەئێنان و ڤەدیتن لسەر چێکرنا پرۆژان ھاتیە کرن گەلەک پرۆژەیێن گرنگ ل سێمیلێ ھێنە بجەئێنان”.