بەرپرسێكی وەزارەتی ڕۆشنبیری و گەشتوگوزار و ئاسەواری عێراق ڕایدەگەیەنێت، زیاتر لە 170 كۆمپانیای نایاسایی گەشتیاری لە عێراق داخراون.
ئەمڕۆ یەكشەممە 17/9/2023، مەهدی غەزبان، بەرپرسی گشتیی ئیدارەی گەشتیاری لە وەزارەتی ڕۆشنبیری و گەشتوگوزار و ئاسەواری عێراق، ڕایگەیاندووە: “فەرماندەی ئۆپەراسیۆنی ئەمنی، 179 کۆمپانیای نایاسایی گەشتیاری لە عێراق داخستووە.”
گوتیشی: “ئەم كۆمپانیایانە بەهۆی دوو هۆكاری سەرەكییەوە داخراون، یەكێك لەوان بەهۆی كاری خراپی ئەخلاقی و و ناشیرینكردنی كولتووری عێراق بووە، بەشێكیشیان بەهۆی نەدانی باج و غەرامەوە داخراون.”