ە گوژمەی 150 ملیۆن دینار شەقامەكانی گەڕەكێكی هەریر كۆنكرێت دەكرێن

لەسەر بودجەی پەرەپێدانی پارێزگای هەولێر، دەست كراوە بە كۆنكرێتكردنی شەقامەكانی باتاسی كۆن لە سنووری قەزای هەریر.

بێوار عەدنان، سەرۆكی شارەوانیی هەریر، بە (باسنیوز)ی ڕاگەیاند: ”لە بەردەوامیی كار و پرۆژە خزمەتگوزارییەكانی حكوومەتی هەرێمی كوردستان، لە ڕێگەی بەڵێندەرایەتییەوە دەستمان كردووە بە كۆنكرێتكردنی شەقامەكانی گەڕەكی باتاسی كۆن لە سنووری شارەوانیمان”.

سەرۆكی شارەوانیی هەریر گوتیشی: ”گوژمەی پرۆژەكە بریتییە لە 150 ملیۆن دینار، لەسەر بودجەی پەرەپێدانی پارێزگای هەولێر جێبەجێ دەكرێت و دەكەوێتە خزمەت هاووڵاتیانەوە.”