بنەماڵەی شەهید هاوکار کە له خۆپیشاندانەکەی رۆژی 2/9/2023ی کوردانی کەرکووک بە دەستڕێژی گوللەی هێزە ئەمنییەکان شەهیدکرا، هاتنە ناو ریزەکانی پارتی دیموکراتی کوردستانەوە.
لەمبارەیەوە برایەکی شەهید هاوکار بە ناوی هەژار لە لێدوانێکیدا بۆ (باسنیوز) ئەوەی پشتڕاستکردەوە کە ئیتر لەمەودوا لە نێو ڕیزەکانی پارتی دیموکراتی کوردستانەوە درێژە بە خەباتی کوردایەتی خۆیان دەدەن.
شەهید هاوکار لەدایکبووی ساڵی 1985 بوو، باوکی چوار منداڵ بوو، پێشمەرگەی یەکێتی بوو لە لیوا هاوبەشەکان، لە خۆپیشاندانەکانی ئەیلوولی رابردوو لە کەرکووک بە گوللەی هێزەئەمنییەکان شەهید کرا.