سەرچاوەیەکی سەربازیی سووریا رای گەیاند ئێوارەی ئەمڕۆ فڕۆکەخانەکانی دیمەشق و حەلەب، کە دوو فڕۆکەخانەی سەرەکیی سووریان، لە ئەنجامی بۆردوومانی سوپای ئیسرائیل داخران.
سەرچاوەكە بڵاوی كردەوە ئەمڕۆ پێنجشەممە سوپای ئیسرائیل لە یەک کاتدا هێرشێکی ئاسمانی ئەنجام دا و فڕۆکەخانە نێودەوڵەتییەکانی حەلەب و دیمەشقی کردە ئامانج، ئەمەش بووە هۆی زیانگەیاندن بە شوێنی نیشتنەوەی هەردوو فڕۆکەخانەکە و ئێستا هەردوو فڕۆكەخانەكە لە خزمەت دەرچوون
بەپێی سەرچاوەكە، سوپای سووریا وەڵامی داوەتەوە و هێرشی پێچەوانەی بۆ سەر ئیسرائیل ئەنجام داوە.