كه‌مێك پێش ئێستا (ئه‌مڕۆ دووشه‌ممه 4ی 12ی 2023)، ژماره‌یه‌ك له ده‌رچوانی به‌شه پزیشكییه‌كان، له‌به‌رده‌م باڵه‌خانه‌ی پارێزگای كه‌ركووك ده‌ستیان به گردبوونه‌وه‌یه‌كی ناڕه‌زایی كرد و ده‌رگای چوونه ژووره‌وه‌ی باڵه‌خانه‌ی پارێزگای كه‌ركووكیان داخست.
به‌پێی زانیارییه‌كانی (باسنیوز)، ده‌رچوانی به‌شه پزیشكییه‌كانی كه‌ركووك كه فه‌رمانی وه‌زارییان هه‌یه بۆ دامه‌زراندن، له‌لایه‌ن پارێزگاری سه‌پێندراوی كه‌ركووكه‌وه ڕێگرییان لێ ده‌كرێت، ده‌ست به‌كار بن.
ئه‌وه‌ش زانراوه كه پارێزگاری سه‌پێندراوی كه‌ركووك به‌بیانووی ئه‌وه‌ی ناسنامه‌ی باری شارستانی ئه‌و ده‌روچوانه‌ی كه ناویان بۆ دامه‌زراندن گه‌ڕاوه‌ته‌وه كه‌ركووك نییه، ڕێگه نادات ده‌ست به‌كار بن و ئه‌و ده‌رچوانه‌ش داوا ده‌كه‌ن كه ڕێگه‌یان پێ بدرێت بۆ ئه‌وه‌ی ده‌ست به‌كار بن.