بەڕێوەبەرایەتیی هاتوچۆی کۆیە رای گەیاند کە تەمومژێکی چڕ رێگەی چنارۆكی داپۆشیوە و شۆفێران پێویستە پابەندی رێنوێنییەکانی هاتوچۆبن.
ئەمشەو شەممە 23/12/2023، بەڕێوەبەرایەتیی هاتوچۆی کۆیە بڵاوی کردەوە، کە بەهۆی بەرزبوونەوەی ڕادەی شێ ڕێگەی چنارۆك بە تەم داپۆشراوە، بۆیە داواکارین لە شۆفێران پابەندی ئەم رێنوێنیانەی خوارەوە بن بۆ پاراستنیان لە ڕووداوەکانی هاتوچۆ:
1- کەمکردنەوەی خێرایی بۆ نیوەی خێرایی ڕێگە پێدراو، خێرایی ڕێگە پێدراو لە ڕێگەی چنارۆک 60کم / کاتژمێر.
2- بەکارنەهێنای مۆبایل و دورکەوتنەوە لە تۆڕەکۆمەڵایەتیەکان.
3- دانــەگیرساندنی لایتی بەرز (فول لایت).
4- داگیرساندنی لایتی نزم.
5- پاراستنی ڕێڕەوی لای ڕاست.
6- ئەنجامنەدانی کرداری پێشکەوتن.