رێڤه‌به‌رێ به‌نكا خوینێ ل دهۆكێ دیاركركو وه‌كو دیار ئێك ژ رێكێن چاره‌سه‌ریا نه‌خۆشیا كۆرۆنایێ وه‌رگرتنا پلازما خوینێ یه ژ كه‌سێن چاره‌سه‌ربووین ژ نه‌خۆشیا كۆرۆنایێ. عادل عەبدولسەلام رێڤه‌به‌رێ به‌نكا خوینێ ل دهۆكێ بۆ (باسنیوز) دیاركركو: “ژبه‌ر زێده‌بوونا هژمارا تووشبوویێن كۆرۆنایێ وه‌كو خۆ ئاماده‌كرن بۆ هه‌ر كاودانه‌كێ ئه‌م وه‌كو به‌نكا خوینێ داخوازێ ژ خه‌لكێ خۆ دكه‌ین ئه‌وێن ژ نه‌خۆشیا كۆرۆنایێ چاره‌سه‌ربووین سه‌ره‌دانا به‌نكا خوینێ بكه‌ن بۆ به‌خشینا پلازما خوینێ وه‌كو ئه‌ركه‌كێ نشتیمانی وخێرخوازى وخوبه‌خش. ئه‌و كه‌سێن 14 رۆژ بۆرین لسه‌ر چاره‌سه‌ریا وان كو ئه‌نجامێن پشكنینێ دگه‌لدا بن وچ نه‌خۆشیێن دی نه‌بن وه‌كو نه‌خۆشێن دۆمدرێژ ونه‌خۆشێن ڤه‌گر”. ئاشكه‌را كركو: “ئه‌و كه‌سێن ژ نه‌خۆشیا كۆرۆنایێ چاره‌سه‌ربووین و ژیێ وان ناڤبه‌را 18 سالى هه‌تا 65 سالى بیت دشێن قه‌ستا به‌نكا خوینێ بكه‌ن بۆ پێشكێشكرنا پلازما خوینێ بۆ چاره‌سه‌ریا تووشبوویێن كۆرۆنایێ”.
ل دهۆكێ داخوازا پلازما خوینێ بۆ چاره‌سه‌ركرنا نه‌خۆشیا كۆررنایێ دهێته كرن
