ڕوونكردنەوەی وەزارەتی تەندروستی لەبارەی نرخی نەخۆشخانە ئەهلییەكان

وەزارەتی تەندروستی حکوومەتی هەرێمی کوردستان روونکردنەوەیەکی لەبارەی بڵابوونەوەی چەند نرخێکی چارەسەری نەخۆشانی کۆرۆنا لە نەخۆشخانە ئەهلییەکان بڵاو کردەوە. لەمبارەیەوە وەزارەتی تەندروستی لە روونکردنەوەیەکدا کە کۆپییەکی بە (باسنیوز) گەیشتووە و تێیدا بڵاویکردووەتەوە: “دەمانەوێت هاوڵاتیانی خۆشەویست دڵنیا بکەینەوە کەوا نرخەکانی چارەسەری بەهۆی باروگوزەرانی هاوڵاتیان لەم دۆخەی ئێستای نەخۆشی کۆڕۆنا، بەڕێژەی ٤٠ تا ٥٠ لەسەدای نرخەکان لەلایەن لێژنەیەکی ڕاوێژکاری کەمکرایەوە و بە فەرمانی وەزاری ڕێکار و ڕێوشوێنی پێویست دەرچووە”. ئاماژەوە بەوەش دراوە، “تیمەکانی پشکنین بەدواداچوونی ڕۆژانە دەکەن و وەزارەتمان بەردەوام دەبێت لە کەمکردنەوەی نرخەکان و رێگا نادرێت بە هەر زیادەرۆیی و سەرپێچییەک”.