له ڕووسیا ژماره‌ى تووشبوانى په‌تاى كۆرۆنا به‌رز بووه‌وه، تا ئێستاش له هه‌مان وڵات زیاتر له 15 هه‌زار كه‌س به‌هۆى كۆرۆناوه گیانیان له‌ده‌ست داوه. به‌پێى دوایین ئاماره‌كان، ئه‌مڕۆ چوارشه‌ممه 12/8/2020، له ڕووسیا پێنج هه‌زار و 102 كه‌سى دیكه تووشى كۆرۆنا بوون، ژماره‌ى تووشبوانى په‌تاكه‌ش له وڵاته‌كه گه‌یشته 902 هه‌زار و 701 كه‌س. ئه‌مه‌ش له كاتێكدایه، دوێنێ سێشه‌ممه چوار هه‌زار و 945 كه‌سى دیكه له ڕووسیا تووشى كۆرۆنا ببوون. هه‌ر له ڕووسیا 129 كه‌سى دیكه به‌هۆى كۆرۆناوه گیانیان له‌ده‌ست دا، كۆی گشتیی مردوانیش له هه‌مان وڵات به‌هۆى په‌تاكه‌وه گه‌یشته 15 هه‌زار و 260 كه‌س، تا ئێستاش له ڕووسیا 710 هه‌زار و 298 كه‌س له كۆرۆنا چاك بوونه‌ته‌وه. په‌خشى ڕاسته‌وخۆى ئامارى تووشبوانى په‌تاى كۆرۆنا و ئه‌و كه‌سانه‌ى به‌هۆى ڤایرۆسه‌كه‌وه گیانیان له‌ده‌ست داوه.
له ڕووسیا ژماره‌ى تووشبوانى كۆرۆنا 900 هه‌زار كه‌سى تێپه‌ڕاند
