لە كەركووك چوار تووشبووی دیكەی كۆرۆنا گیانیان لەدەست دا

گوتەبێژی فەرمانگەی تەندروستیی كەركووك ڕایگەیاند، چوار تووشبووی دیكەی كۆرۆنا لە كەركووك گیانیان لەدەست دا. سامان یابە، گوتەبێژی فەرمانگەی تەندروستیی كەركووك، بە (باسنیوز)ی ڕاگەیاند: “ئەمڕۆ یەكشەممە 16/8/2020، لە كەركووك 157 كەسی دیكە تووشی كۆرۆنا بوون و 102 كەسی دیكە لەو پەتایە چاك بوونەوە، هەروەها چوار كەسی دیكەش بەهۆی هەمان پەتاوە گیانیان لەدەست دا”. گوتیشی: “لە كەركووك تاوەكو ئێستا حەوت هەزار و 277 كەس تووشی كۆرۆنا بوونە كە لەو ژمارەیەش چوار هەزار و 176 كەسیان چاك بوونەتەوە و هەروەها 322 كەسیان گیانیان لەدەست داوە و ئەوانەی دیكەش هێشتا لە نەخۆشخانەكانن”.