لە کەرکووک ١١ تووشبووی دیكەی كۆرۆنا گیانیان لەدەست دا

گوتەبێژی فەرمانگەی تەندروستیی كەركووك ڕایگەیاند، یازدە تووشبووی دیكەی كۆرۆنا لە شارەکە گیانیان لەدەست دا. سامان یابە، گوتەبێژی فەرمانگەی تەندروستیی كەركووك، بە (باسنیوز)ی ڕاگەیاند: “ئەمڕۆ دووشەممە 17/8/2020، لە كەركووك 106 كەسی دیكە تووشی كۆرۆنا بوون و 155 كەسی دیكە لەو پەتایە چاك بوونەوە و هەروەها 11 كەسیش بەهۆی هەمان پەتاوە گیانیان لەدەست دا”. گوتیشی: “لە كەركووك تا ئێستا حەوت هەزار و 383 كەس تووشی كۆرۆنا بوونە كە چوار هەزار و 333 كەسیان چاك بوونەتەوە و 333 كەسیان گیانیان لەدەست داوە و ئەوانی دیكەش هێشتا لە نەخۆشخانەكانن”.