سەرپەرشتێ چارەسەركرنا نەخۆشێن كۆرۆنایێ ل پارێزگەها دهۆكێ دیار كر كو نۆكە 13 تووشبوویێن كۆرۆنایێ ل دهۆكێ د رەوشەكا مەترسیداردانە. بۆ هەر 13 تووشبوویان ئامێرێ هەناسەدانا دەستكرد هاتیە بكارئینان. د. موئەیەد ئەغالی، سەرپەرشتێ چارەسەركرنا نەخۆشێن كۆرۆنایێ ل پارێزگەها دهۆكێ بۆ (باسنیوز) دیار كر كو: “ئەڤرۆ 20/8/2020ێ ل دهۆكێ رەوشا 35 تووشبوویێن كۆرۆنایێ باش نینە ژوانا ژی رەوشا 13 تووشبوویان یا مەترسیدارە و ڤایرۆسێ كۆرۆنایێ گەلەك بەلاڤ بوویە. رۆژانە چەندین حالەتێن نوو یێ ڤایرۆسێ كۆرۆنایێ ل دهۆكێ دهێنە دەست نێشانكرن. پتریا تووشبوویێن رەوشا وان نەباش، نەخۆشێن دومدرێژ هەنە یان مرۆڤێن گەلەك قەلەون. دەمێ تووشی كۆرۆنایێ بن رەوشا وان زەحمەت بیت. لەورا پێدڤیە كەسێن نەخۆشێن دومدرێژ هەین وكەسێن قەلەو زێدەتر خۆ بپارێزن”. ئاشكەرا كر كو: “رەوشا ساخلەمیا35 تووشبوویێن كۆرۆنایێ دژوار و مەترسیدار بوویە بۆ13 تووشبوویێ رەوشەكا مەترسدارانە رەنگە ئەڤێن رەوشا وان دژوار ژی پتر پێدڤی ئامێرێ هەناسەدانا دەستكرد بن چونكو نۆكە د رەوشەكا نە باشدانە”. ل پارێزگەها دهۆكێ هەتا نۆكە پتر ژدوو هزار تووشبوویێن كۆرۆنایێ یێن هاتینە تۆماركرن ژوانا ژی 861 تووشبووی یێن هاتینە چارەسەركرن نۆكە زێدەتر ژ هزار تووشبوویێن كۆرۆنایێ ماینە چارەسەری وەردگرن.
ل دهۆكێ رەوشا 13 تووشبوویێن كۆرۆنایێ یا مەترسیدارە
