به‌رپرسێ راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ دیاركركو هژمارا تووشبوویێن كۆرۆنایێ به‌ره‌ڤ زێده‌بوونێ یه هه‌تا ئه‌ڤرۆ 24/8/2020ێ ل دهۆكێ سێ هزار و 131 تووشبوویێن كۆرۆنایێ یێن هاتینه تۆماركرن ژوانا ژى 942 یێن هاتینه چاره‌سه‌ركرن. حه‌مزه ره‌زیكى، به‌رپرسێ راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ بۆ (باسنیوز) دیاركركو هژمارا تووشبوویێن كۆرۆنایێ به‌ره‌ڤ زێده‌بوونێ وساخله‌میێ ژى هه‌موو شیانیێن خۆ یێن ئیخستنه كارێدا بۆ لیگه‌ریان وچاره‌سه‌ركرنا تووشبوویان هه‌تا نۆكه 3131 تووشبوویێن كۆرۆنایێ یێن هاتینه تۆماركرن ژوانا ژى گه‌له‌ك ژى دناڤ مالێن خۆ دا چاره‌سه‌رێ وه‌ردگرن هه‌تا ئه‌ڤرۆ ل دهۆكێ دوو هزار و 163 تووشبوویێن كۆرۆنایێ ماینه چاره‌سه‌رى وه‌ردگرن هه‌روه‌سا ژى رێژا گیان ژده‌ستدانێ ژى به‌ره‌ڤ زێده‌بوونێ یه كو 26 تووشبوویان ل دهۆكێ ژبه‌ر نه‌خۆشیا كۆرۆنایێ گیانێ خۆ ژده‌ستداینه. ره‌زیكى گۆتژى: ” گه‌له‌ك ژ تووشبوویێن كۆرۆنایى َ دناڤ ئوتیلان دا دهێنه چاره‌سه‌ركرن وهنده‌ك ژى ناڤ مالین خۆ دا چاره‌سه‌رى وه‌ردگرگرن ئه‌وێن ره‌وشا وان نه‌باش ژى ل نه‌خۆشخانه‌یان چاره‌سه‌رى وه‌ردگرن كو بۆ به‌رهه‌نگاریا كۆرۆنایێ باشتر رێك ئه‌و خه‌لك تیكه‌لین جڤاكێ نه‌كه‌ن وبیێ ماسك و ده‌ستكێش ژمال نه ده‌ركه‌ڤن”.
ل دهۆكێ تووشبوویێن كۆرۆنایێ ژ سێ هزار كه‌سان ده‌رباز بوون
