ئیتاڵیا کەلوپەلی تەندروستیی تایبەت بە رووبەڕووبوونەوەی پەتای کۆرۆنا بۆ عێراق دەنێرێت. سەفییە سوهەیل، باڵوێزی عێراق لە رۆمای پایتەختی ئیتاڵیا بە میدیای فەرمیی عێراقی راگەیاندووە، عێراق لیستی داواکارییەکانی ئاراستەی حکوومەتی ئیتاڵیا کردووە. سەفییە سوهەیل هەروەها رایگەیاندووە، کە ئیتاڵیا لە مانگی داهاتوو (مانگی 9ـی 2020)، کاروانێکی هاوکاریی تەندروستی بۆ عێراق دەنێرێت، باڵوێزی عێراق لە رۆما ئاشکراشی کردووە، کە لە ماوەی رابردوودا، بانگهێشتنامەیەکی فەرمیی فوئاد حوسێن، وەزیری دەرەوەی عێراقی گەیاندووەتە لویجی دی مایۆ، وەزیری دەرەوەی ئیتاڵیا، بۆ سەردانی بەغدا.
ئیتاڵیا کەلوپەلی تەندروستی بۆ عێراق دەنێرێت
