له ڕووسیا ژماره‌ى تووشبوانى په‌تاى كۆرۆنا به‌رز بووه‌وه، تا ئێستاش له هه‌مان وڵات زیاتر له 16 هه‌زار كه‌س به‌هۆى كۆرۆناوه گیانیان له‌ده‌ست داوه. به‌پێى دوایین ئاماره‌كان، ئه‌مڕۆ سێشه‌ممه 25/8/2020، له ڕووسیا چوار هه‌زار و 696 كه‌سى دیكه تووشى كۆرۆنا بوون، ژماره‌ى تووشبوانى په‌تاكه‌ش له وڵاته‌كه گه‌یشته 966 هه‌زار و 189 كه‌س. ئه‌مه‌ش له‌كاتێكدایه دوێنێ دووشه‌ممه له ڕووسیا، چوار هه‌زار و 744 كه‌سى دیكه تووشى كۆرۆنا ببوون. هه‌ر له ڕووسیا 120 كه‌سى دیكه به‌هۆى كۆرۆناوه گیانیان له‌ده‌ست دا، كۆی گشتیی مردوانیش له هه‌مان وڵات به‌هۆى په‌تاكه‌وه گه‌یشته 16 هه‌زار و 568 كه‌س، تا ئێستاش له ڕووسیا 779 هه‌زار و 747 كه‌س له كۆرۆنا چاك بوونه‌ته‌وه. په‌خشى ڕاسته‌وخۆى ئامارى تووشبوانى په‌تاى كۆرۆنا و ئه‌و كه‌سانه‌ى به‌هۆى ڤایرۆسه‌كه‌وه گیانیان له‌ده‌ست داوه.
له ڕووسیا 120 تووشبووى دیكه‌ى كۆرۆنا گیانیان له‌ده‌ست دا
