نوونەرێ ساخلەمیا جیهانێ ل عێراقی دیار كر كو ئەڤرۆ 30/8/2020ێ بۆ گەهاندنا هاریكاریا و پشتەڤانیكرنا ساخلەمیا دهۆكێ مە قەستا پارێزگەها دهۆكێ كریە. ئەدهەم ئیسماعیل، نوونەرێ ساخلەمیا جیهانێ ل عێراقی بۆ (باسنیوز) دیار كر كو: “نۆكە رەوشا دهۆكێ ب گشتی و هەرێما كوردستانێ ژی باشە بۆ بەرهەنگاریا كۆرۆنایێ هەمبەر پارێزگەهێن دی یێن عێراقی. ئەڤرۆ مە شیا هندەك هاریكاریێن ساخلەمیێ پێشكێشی ساخلەمیا دهۆكێ بكەن وئەم بەردەوام دگەل ساخلەمیا دهۆكێ بۆ هەماهەنگی و پشتەڤانی وارێ ساخلەمیێ دا. ئەم هێڤیدارن وەلاتی رێنمایێن خۆ پاراستنی پتر بجه بینن داكو رەوش بەرەڤ باشبوونێ ڤە بچیت”. د. نزار عسمەت، رێڤەبەرێ گشتی یێ ساخلەمیا پارێزگەها دهۆكێ دیار كر كو ئەڤرۆ 30/8/2020ێ ساخلەمیا جیهانێ ب كوژمێ 270 هزار دولاران هاریكاری پێشكێشی ساخلەمیا دهۆكێ كر. رێڤەبەرێ گشتی یی ساخلەمیا پارێزگەها دهۆكێ دیار كر كو: “ئەڤرۆ ئەدهەم ئیسماعیل، نوونەرێ رێكخراوا ساخلەمیا جیهانێ ل عێراقی سەرەدانا پارێزگەها دهۆكێ كریە وپشتەڤانیا ساخلەمیا جیھانی پێشكێشی دهۆكێ كرن كو مە چەندین ئارمانج دگەل رێكخراوا ساخلەمیا جیهانێ هەنە بهێنە جه بۆ رووبەرووبوونا قەیرانان، نەخاسمە نۆكە دەمێ پەیدابوونا كۆرۆنایێ ژی بەردەوام پشتەڤانیا ساخلەمیا دهۆكێ كریە. زێدەبارێ نەخۆشێن دایك و زارۆكان كارەكێ مەزن بۆ خەلكێ دهۆك ئەنجامدایە وچەندین كەرەستێن خۆپاراستنی و تەخت وهاریكاریێن هەمە جۆر تەندروستی پێشكێشی ساخلەمیا دهۆكێ كریە”. ئاشكەرا كر كو: “ئەڤرۆكە هاریكاریەكا تایبەت بۆ نەخۆشخانا لالاڤ ئینایە بۆ كۆرۆنایێ ئەوژی ئامیرێن گرنگ یێن ساخلەمیێ پێشكێشی مە كرینە. ئەوژی تەختێن چاڤدێریا چر وپێدڤیێن دگەلدا دێ بنە پشتەڤانی بۆ چارەسەركرنا نەخۆشێن كۆرۆنایێ ل دهۆكێ”.
ب وێنە.. ساخلەمیا جیهانێ ب كوژمێ 270 هزار دولاران هاریكاری گەهاندنە ساخلەمیا دهۆكێ
