لە كەركووك 198 كەسی دیكە لە پەتای كۆرۆنا چاك بوونەوە

گوتەبێژی فەرمانگەی تەندروستیی كەركووك ڕایگەیاند، 198 كەسی دیكە لە پەتای كۆرۆنا چاك بوونەوە. سامان یابە، گوتەبێژی فەرمانگەی تەندروستیی كەركووك، بە (باسنیوز)ی ڕاگەیاند، ئەمڕۆ شەممە 12/9/2020، لە شاری كەركووك 198 كەسی دیكە لە كۆرۆنا چاك بوونەوە و هەروەها 63 كەسی دیكە تووشی ئەو پەتایە بوون”. گوتیشی: “هاوكات هەر ئەمڕۆ دوو تووشبووی دیكەی كۆرۆنا لە شاری كەركووك گیانیان لەدەست دا. لە شاری كەركووك تا ئێستا زیاتر لە 11 هەزار كەس تووشی كۆرۆنا بوونە و لەو ژمارەیەش تا ئێستا 359 كەسیان گیانیان لەدەست داوە”.