ل سەر بریارا مەسرور بارزانی، سەرۆکێ حکۆمەتا ھەرێما کوردستانێ، ژڤانە ل دەڤەرا ئامێدیێ ھژمارەکا پرۆژێن گرنگ بۆ ژیانا خەلکی بھێنە جێبەجێکرن و ژ وان پرۆژەیان ل ناحیا کانی ماسێ ب کۆژمێ زێدەتر ژ ٢ ملیار دیناران پرۆژێن ھەمەجور بھێن درۆستکرن. سەربەست ئاکرەی، رێڤەبەرێ ناحیا کانی ماسێ بۆ (باسنیوز) دیارکر: “ژ بەر کۆ مەسرور بارزانی، سەرۆکێ حکۆمەتا ھەرێما کوردستانێ بریارا وێ چەندێ دایە ھژمارەک ژ پرۆژێن گرنگ ل سنورێ قەزا ئامێدیێ بھێن درۆستکرن، ناحیا کانی ماسێ ژی ژ وان پرۆژەیان بێ بەھر نابییت و ژڤانە ب کۆژمێ ٢ ملیار و ١٣٧ ملیون دیناران پرۆژە ل سنورێ ئەڤێ ناحیێ بھێن درۆستکرن”. رێڤەبەرێ ناحیا کانی ماسێ ئەو چەندە ژی دیارکر:” ئەڤ پرۆژە یە ھەمو جورە بۆارەکێ بخۆڤە دگریت مینا بوارێن پرۆژێن کارەبێ و رێک وجاددێن ھاتن و چوونێ و پرۆژێن ئاڤێ دێ ھێن درۆستکرن”. دۆپاتی ل وێ چەندێ ژی کر: “ھەر پرۆژەیەکێ بۆ ژیانا خەلکێ ناحیا کانی ماسێ سەر ب قەزا ئامێدیێ ڤە گرنگ بیت بێ دوو دلی دێ حکۆمەتا ھەرێما کوردستانێ خزمەتاخەلکی کەت و وان پرۆژێن گرنگ بۆ وان جێبەجێکەت و ل دەمەکێ زۆر نێزیک دێ ئەڤ پرۆژەیێن جۆراو جۆر کەڤنە د بوارێ جێبەجێکرنێ دا و تاکە ھیڤیا مە خزمەتکرن و خۆشکرنا ژین و ژیارا خەلکێ مەیە”. ھەژی دیارکرنێ یە، ناحیا کانی ماسێ یا سەر ب قەزا ئامێدیێ ڤە خۆدانا خۆ ٧٦ گۆندا یە کۆ ١٤ گۆند د وەرزی نە و خەلکێ وان گۆندان ل ھندەک وەرزان قەستا گۆندێن خۆ دکەن و ھندەک وەرزان بجە دھێلێن و روو ل باژێران دکەن و ٦ گۆند د چۆلکری نە ٥٦ گۆندان ژی ژیان ب شێوەیەکێ ئاسایی ژیان لێ دەرباز دبیت”.
کانی ماسێ.. ب کۆژمێ زێدەتر ٢ ملیار دیناران پرۆژە دێ ھێن جێبەجێکرن
