لە کەرکووک برایەک خوشکێکی خۆی کوشت

ئەمشەو لە گەڕەكێكی شاری كەركووك كچێك بەدەستڕێژی گوللە لەناو ماڵەكەی خۆیان لەلایەن براكەیەوە كوژرا. لەمبارەیەوە، عەمید هەڤاڵ بەرزنجی، بەڕێوەبەری بنكەی پۆلیسی عروبە، لە شوێنی رووداوەكەوە، بە (باسنیوز)ی ڕاگەیاند: “بەڵێ راستە و ئەو رووداوە لە گەڕەكی ڕاپەڕین (قادسییە)ی شاری كەركووك ئەمشەو پێنجشەممە ڕووی داوە”. گوتیشی: “ئێستا پۆلیس سەرقاڵی هێڵكاری و لێکۆڵینەوە لە چۆنییەتی كوشتنی ئەو كچەیە”. بەپێی زانیارییەكان كچەكە ناوی (ئ،ح،م)ە و تەمەنی 35 ساڵە بكوژەكەش كە برایەتی خۆی ڕادەستی پۆلیس كردووە.