لە ڕووسیا ژمارەی تووشبوانی پەتای کۆرۆنا بەرز بووەوە، تا ئێستاش لە ھەمان وڵات زیاتر لە 20 ھەزار کەس بەھۆی کۆرۆناوە گیانیان لەدەست داوە. بەپێی دوایین ئامارەکان، ئەمڕۆ دووشەممە 28/9/2020، لە ڕووسیا هه‌شت ھەزار و 135 کەسی دیکە تووشی کۆرۆنا بوون، ژمارەی تووشبوانی پەتاکەش لە وڵاتەکە گەیشتە ملیۆنێک و 159 ھەزار 573 کەس. ئەمەش لەکاتێکدایە دوێنێ یه‌كشەممە لە ڕووسیا، حه‌وت ھەزار و 867 کەسی دیکە تووشی کۆرۆنا ببوون. ھەر لە ڕووسیا 61 کەسی دیکە بەھۆی کۆرۆناوە گیانیان لەدەست دا، کۆی گشتیی مردوانیش لە ھەمان وڵات بەھۆی پەتاکەوە گەیشتە 20 ھەزار و 385 کەس، تا ئێستاش لە ڕووسیا 945 ھەزار و 920 کەس لە کۆرۆنا چاک بوونەتەوە. پەخشی ڕاستەوخۆی ئاماری تووشبوانی پەتای کۆرۆنا و ئەو کەسانەی بەھۆی ڤایرۆسەکەوە گیانیان لەدەست داوە.
له ڕووسیا 20 هه‌زار و 385 تووشبووى كۆرۆنا گیانیان له‌ده‌ست داوه
