کارمەندێکی باڵوێزخانەی ئەمریکا لە ئۆکرانیا کوژرا

ژنە کارمەندێکی باڵوێزخانەی ئەمریکا لە کیێف پایتەختی ئۆکرانیا لە ئەنجامی هێرشی کەسێکی نەناسراو کوژراوە. بەپێی ڕاپۆرتی ئاژانسی (ڕۆیتەرز) وەزارەتی دەرەوەی ئەمریکا بە بڵاوکردنەوەی ڕاگەیەندراوێک هەواڵەکەی پشتڕاست کردووەتەوە و باسی لەوەش کردووە پۆلیسی ئۆکرانیا سەرقاڵی لێکۆڵینەوە و بەدواداچوونە بۆ دەستگیرکردنی بکوژەکە. بەپێی هەمان سەرچاوە تەرمی ئەو ژنە کارمەندە لە نزیک وێستگەیەکی شەمەندەفەر لە ناوچەیەکی لێڕەوار لەلایەن کەسێکەوە دۆزراوەتەوە و پاش گەیاندنی بە نەخۆشخانە گیانی لەدەست داوە. پۆلیسی ئۆکرانیا ئاشکرای کردووە پەڕاوی لێکۆڵینەوە بۆ ئەو دۆسیەیە کراوەتەوە و سەرقاڵی لێکۆڵینەوە و بەدواداچوونن و لە لێکۆلێنەوە سەرەتاییەکاندا دەرکەوتووە کە ئەو ژنە کارمەندە لە سەری دراوە. ئاماژە بەوەش کراوە کە هێرشبەرەکە ئەویش کارمەندی باڵوێزخانەیە و پیاوێکە کە تەمەنی لە نێوان ٣٠ بۆ ٤٠ ساڵ دایە، بەڵام ئاماژەی بە وردەکاریی زیاتر نەکراوە.