ئێوارەی ئەمڕۆ چەند دەزگایەکی راگەیاندنی سووریا بڵاویانکردەوە کە لە ناوچە گوندنیشنەکانی دەوروبەری حەسەکە چوار سەربازی ئەمەریکی کوژراون بەڵام هاوپەیمانیی نێودەوڵەتی هەواڵەکە رەت دەکاتەوە. پاش بڵاوبوونەوەی هەواڵەکە گوتەبێژی هاوپەیمانیی نێودەوڵەتی لە سووریا رەتی کردەوە، هیچ سەربازێکی ئەمەریکی لە حەسەکەی رۆژئاوای کوردستان بە بۆمبی چێنراو کوژرابێ. هەواڵەکە سەرەتا لەلایەن ئاژانسی هه‌واڵی “سانا”ی فەرمیی سووریا بڵاوکرایەوە کە تیایدا ئاماژە بە ئەوە درابوو کە رووداوه‌كه له ده‌وروبه‌ری شارۆچكه‌ی “مركده” له‌سه‌ر رێگا‌ی سه‌ره‌كی حه‌سه‌كه – دێرزوور لە رۆژئاوای کوردستان روویداوه.
هاوپەیمانیی نێودەوڵەتی رەتی دەکاتەوە هیچ سەربازێکی ئەمەریکی لە حەسەکە کوژرابێ
