بروسكەی سەرەخۆشیی بارەگای بارزانی بۆ كۆچی دوایی حەمید كلیچ ئەرسەلان

بارەگای بارزانی بروسکەیەکی سەرەخۆشی بەبۆنەی كۆچی دوایی (حەمید كلیچ ئەرسەلان) گوتەبێژی پارتی دیموكراتی كوردستان – باكوور بڵاوکردەوە. دەقی پرسەنامەکە: بەداخێكی زەرەوە هەواڵی كۆچی دوایی سیاسەتمەداری كوردی باكوور (حەمید كلیچ ئەرسەلان) گوتەبێژی پارتی دیموكراتی كوردستان – باكوورمان پێ گەییشت كە بەهۆی نەخۆشیی كۆرۆناوە كۆچی دوایی كردووە. پرسە و سەرەخۆشیی خۆمان ئاراستەی خانەوادە و كەسوكاری خوالێخۆشبوو حەمید كلیچ ئەرسەلان و سەركردایەتیی و كادیر و ئەندامانی پارتی دیموكراتی كوردستان – باكوور دەكەین و خۆمان بە هاوبەشی خەمیان دەزانین. لە خودای گەورە داواكارین خوالێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت. انا للە و انا الیه راجعون بارەگای بارزانی28ـی تشرینی دووەمی 2020