به‌رى ده‌مه‌كێ ل ده‌ڤه‌را تلسقۆف، ل سنورێ ناحیا ئه‌لقوش، ژ ئه‌گه‌رێ ئاریشه‌كا جڤاكى، كه‌سه‌ك هات كۆشتن. عه‌مید زێره‌ڤان به‌رۆشكى، به‌رپرسێ ئاسایشا مووسل بۆ (باسنیوز) دیاركر: “ئه‌ڤ شه‌ڤه، ل ده‌وروبه‌رێن ده‌مژمێر 9:45 خۆله‌ك، ل تلسقوفا سه‌ر ب ناحیا ئه‌لقوش ڤه، ژ ئه‌گه‌رێ ئاریشه‌كا جڤاكى دناڤبه‌را دوو خێزانێن كریستیانێن ده‌ڤه‌رێ دا، شه‌ر و ئالۆزى دروست بوویه و مخابنى ڤه كه‌سه‌ك هاتیه كۆشتن”. گۆتژی: “ئه‌و شه‌ره ژ ئه‌نجامێ ئاریشه‌كا به‌ریا چه‌ندین سالان دروست بوویه كۆ هه‌ردوو خێزان كه‌س و كارێك ئێك دوو نه و خه‌لكێ قه‌زا تلكێفێ نه لێ ل تلسقوف دژین و ژ ئه‌گه‌رێ وێ ئاریشێ ئه‌ڤ شه‌ڤه شه‌ر و ئالۆزى دناڤبه‌را هه‌ردوو خێزانان دروست بویه و دلگرانى ڤه كه‌سه‌ك د ژیێ (25) سالیێ دا هاتیه كۆشتن و د هه‌مان ده‌م دا دوو كه‌سێن دیتر بریندار بوونه و كه‌سه‌ك وه‌كه تۆمه‌تبارێ رۆیدانێ ژلایێ مه‌ڤه هاتیه ده‌سته‌سه‌ركرن بۆ هێزێن پۆلیسان ڤه هاتیه ره‌وانه‌كرن”.
تلسقۆف.. كه‌سه‌ك هات كۆشتن
