رێڤەبەرێ ئوفێسا دهۆك یا كۆمیسۆنا بالا یا سەربەخۆیا هەلبژارتنان ل عێراقێ دیار كر كو بەلاڤكرنا كارتین دەنگدانێ ل پارێزگەها دهۆكێ ب رێژا 92% خلاس بوویە. هەتا نۆكە پتر ژ68% وەلاتیێن دهۆكێ هاتینە تۆماركرن. خالد عەباس، رێڤەبەرێ ئوفێسا دهۆك یا كۆمیسۆنا بالا یا سەربەخۆیا هەلبژارتنان ل عێراقێ بۆ (باسنیوز) راگەهاند كو: “رێژا توماركرنا وەلاتیێن دهۆكێ بەرەڤ بلندبوونێ چوویە. رۆژانە پتر ژ هزار دەنگدەران دهێنە تۆماركرن ل 41 بنگەهێن تۆماركرنێ. هژمارا تیمێن گەرۆك ژی ل دهۆكێ هاتینە زێدەكرن، بۆ وێ چەندێ پتر وەلاتی بهێنە تۆماركرن. هەتا رۆژا 1/4/2021ێ دێ تۆمارا بایومەتری یا بەردەوام بیت. داخوازێ ژ خەلكێ خۆ دكەین قەستا بنگەهێن تۆماركرنێ بكەن ب تایبەتی ژی ژدایكبوویێن سالێن 2001 و 2002ێ و 2003ێ داكو بشێن بەشداری هەلبژارتنان دا بكەن”. خالد عەباس، گۆت: “پلان دگەل زانكۆیێ و پەروەردێ هاتیە دانان بۆ تۆماركرنا دەنگدەرێن ژدایكبوویێن سالێن 2001 و 2002ێ و 2003ێ. هەموو دەنگدەر دشێن كارتا خۆ یا بایومەتری وەربگرن كو هەتا نۆكە 92% ل دهۆكێ كارتێن دەنگدانی هاتینە بەلاڤكرن، پرۆسە یا بەردەوامە”.
ل دهۆكێ ب رێژا 92% كارتێن دەنگدانێ ل سەر وەلاتیان هاتینە بەلاڤكرن
