تەندروستی ئاکرێ: ئەوانەی تەمەنیان سەروو 50 ساڵە بێ پرکردنەوەی فۆرم ڤاکسینی کۆرۆنایان پێ دەدرێت

بەرێوەبەرایەتی تەندروستی ئاکرێ ئاشکرایکرد کە ئەو کەسانەی تەمەنیان لە سەرووی 50 ساڵیەوەیە دەتوانن بەبێ پرکردنەوەی فۆرمی ئەلیکرتۆنی ڤاکسینی کۆرۆنا وەربگرن. سه‌باح زوهیر، بەرپرسی راگەیاندنی تەندروستی ئاکرێ بە (باسنیوز) راگەیاند: “ئێستا ڤاکسینی کۆرۆنا لە ئاکرێ لە هەریەک لە بەرێوەبەرایەتی تەندروستی ئاکرێ، نەخۆشخانەی گوڵان و بنکەی تەندروستی ئازادی بەردەستە بۆ هاووڵاتییان و هەر کەسێکیش ناوی خۆی تۆمار نەکات و فۆرمی ئەلکترۆنی پڕ نەکاتەوە ڤاکسینی پێ نادرێت”. گوتیشی: “تەنها ئەوانەی تەمەنیان لەسەرووی 50 ساڵییەوەیە دەتوانن بە بێ پڕکردنەوەی فۆرمی ئەلیکترۆنی ڤاکسین وەربگرن، بەمەرجێک دەبێت لە کاتی سەردانیکردنیان بۆ وەرگرتنی ڤاکسین پێویستە ناسنامەیان پێ بێت و یاخود هەر نامەیەکیان بۆ هاتبێت پێشانی ستافی تەندروستی بدەن”.