ئەمرۆ سێشەممە هێزەکانی ئاسایشی ڕاپەڕین ژن و میردێکیان بە بڕێکی زۆر دراوی ساختەوە لە سنووری رانیە دەستگیر کردووە. محەمەد فازڵ، گوتەبێژی ئاسایشی ڕاپەڕین، بە (باسنیوز)ی ڕاگەیاند: ” ئەمڕۆ سێشەممە٢٠ی٤ی٢٠٢١ هێزەكانی بەڕێوەبەرایەتی ئاسایشی ڕاپەڕین و یاریدەدەرێتیی ئاسایشی قەڵادزێ بە هاوکاریی بازگەی “بانووە قەل” دوو گومانلێكراویان بە ناوەكانی (س. ن. ع) و (ھ. ئ. ح) دەستگیر كرد كە ژن و مێرد بوون کە بڕی ٥١٥ هەزار دیناری عێراقی و ٦٠٠ دۆلاری ئەمریكی ساختەیان پێ بووە و ویستوویانە لە بازاڕەكاندا ساغی بكەنەوە”. گوتەبێژی ئاسایشی ڕاپەڕین ڕاشی گەیاند: “پاش ئاگاداركردنەوەی دادوەری دادگای لێكۆڵینەوەی ڕانیە گومانلێكراوان بەپێی مادەی ٢٨١ لە یاسای سزادانی عێراقی ڕاگیراون و پەڕاوی لێكۆڵینەوەیان بۆ كرایەوە و لێكۆڵینەوە لەگەڵیان بەردەوامە”.
لە ڕاپەڕین ژن و مێردێک بە دراوی ساختەوە دەستگیر کران
