ژمارەیەک پزیشک بەهۆی پێدانی پێکوتەی ساختە دەستگیر دەکرێن

ژمارەیەک پزیشکی هیندی بەهۆی ساختەکردن لە پێکوتەی کۆرۆنا، دەستگیر کران. بەپێی زانیارییە میدیاییەکان، 14 پزیشکی هیندی لە شاری مۆمبای وڵاتەکەیان، ئاویان لەناو دەرزی کردووە و لە بەرامبەر وەرگرتنی بڕێک پارە، وەک پێکوتەی کۆرۆنا لە خەڵکیان داوە. لە 12 هەڵمەتی ئەو پزیشکانە بۆ پێدانیپێکوتەی کۆرۆنا، ئاویان وەک پێکوتە بۆ دوو هەزار و 500 کەس بەکار هێناوە. زانیارییە میدیاییەکان ئاماژە بەوە دەکەن، کە پزیشکەکان لە بەرامبەر ئەو پێکوتە ساختەیە، بڕی 28 هەزار دۆلاریان لە خەڵکەکە وەرگرتووە. پۆلیسی هیندستان ئەو پزیشکانەی بە تۆمەتی سساختەکاری و کوشتنی بە ئەنقەست، دەستگیر کردووە. تا ئێستا 30 ملیۆن و 622 هەزار و 560 کەس لە هیندستان تووشی پەتای کۆرۆنا بوون و لەو ژمارەیەشدا، 403 هەزار و 367 کەس گیانیان لەدەست داوە.