رێڤه‌به‌رێ پرۆژى ئه‌نده‌رپاسا سه‌فێن ل پارێزگه‌ها دهۆكێ دیاركر:” پرۆژێ ئوڤه‌رپاسا نێزیك قوتابخانا سه‌فێن ل پارێزگه‌ها دهۆكێ گه‌هشته دقوناغێن دووماهیێ دا ده‌ست ب قێركرنا جاده‌ى هاتیه كرن ڤان رۆژان دێ كه‌ڤته خزمه‌تا وه‌لاتیان دا”. نه‌مر حوسامه‌دین، رێڤه‌به‌رێ پرۆژى ئه‌نده‌رپاسا سه‌فێن ل پارێزگه‌ها دهۆكێ بۆ (باسنیوز) راگه‌هاندكو:” پرۆژه به‌رى ده‌مێ خۆ یێ ده‌ستنیشانكرى دێ 100% دووماهیێ هیت وكه‌ڤته دخزمه‌تا خه‌لكێ دا كوسایدى ژ رۆژهه‌لات بۆ رۆژئاڤا هه‌موو هاتیه قیركرن ل ڤان رۆژان دێ سایدى چوونێ ژى هێته قێركرن پرۆژه ب رێژا 95% هاتیه بجه ئێنان كارى بۆیاغكرنا جاده‌یێ ژى یێ دهێته كرن دێ روناهیى مینت ئه‌وژى دێ ده‌مه‌كێ نێزیكدا هێنه ئه‌نجامدان ئه‌ڤ پرۆژه پشتى ده‌مه‌كێ كێم دێ 100% كه‌ڤته دخزمه‌تا وه‌لاتیان دا”. ئاشكه‌را كركو:” كوژمێ بۆ پرۆژى ئوڤه‌رپاسا سه‌فین هاتیه ته‌رخانكرن گه‌هشته شه‌ش ملیار دیناران، بریاربوو پرۆژه هه‌یڤا سێ ساله 2022ێ دووماهیى بهێت لێ پرۆژه به‌رى ده‌مێ خۆ ب حه‌فت هه‌یڤان دێ دووماهیى هێت كه‌ڤته دخزمه‌تا خه‌لكێ دا”.
ب وێنه: ل دهۆكێ ده‌ست ب قێركرنا پرۆژێ ئۆڤه‌ر پاسا سه‌فێن هاته كرن
