وەزارەتی تەندروستی بڕیارێکی نوێی لەبارەی پێدانی ڤاکسینی دژە کۆڕۆنا بۆ ئافرەتانی دووگیان دەرکرد

وەزارەتی تەندروستی حکوومەتی هەرێمی کوردستان رێنوێنییەکی نوێی لەبارەی پێدانی ڤاکسینی دژە ڤایرۆسی کۆڕۆنا بۆ ئافرەتانی دووگیان دەرکرد. لە رێنوێنییەکەی وەزارەتی تەندروستی کە کۆپییەکی بە (باسنیوز) گەیشتووە و تێیدا ئاماژە بەوەکراوە، کە ڤاکسینەکە پاش مانگی چواردەیەم لە دووگیانی بە مەرجێک ماوەی نێوان ژەمی پێکوتەی کۆڤید19 و هەر ڤاکسینێکی تر کە کەمتر نەبێت لە دوو هەفتە. ئەوەش خراوەتە روو، ڤاکسینەکە دەدرێت بە ئافرەتی دووگیان لە ژێر چاودێری پزیشکی و بە رەچاوکردنی وەرگرتنی ڤاکسینەکە بەشێوەیەکی ئارەزوومەندانە پاش ئاشنابوون و رازیبوون لەسەر هەموو زانیارییەکان و بە گوێرەی فۆرمی رازیبوون لەسەر وەرگرتنی ئەو ڤاکسینانەی کە لەکاتی ئێستا کاریان پێ دەکرێت.   دەقی رێنوێنییەکە: