ئێران کەشتییەکی نەوتهەڵگری ڤێتنامی ئازاد دەکات

کۆماری ئیسلامیی ئێران دوای زیاتر لە 15 رۆژ دەست بەسەرداگرتن، کەشتییەکی نەوتهەڵگری ڤێتنامی ئازاد دەکات. رۆژی 3-11-2021، سوپای پاسدارانی ئێران رایگەیاند: رۆژی 24-10-2021 سوپای ئەمریکا هەوڵی دا دەست بەسە کەشتییەکی نەوتهەڵگری ئێرانیدا بگرێ و نەوتەکەی بگوازێتەوە ناو کەشتییەکی دیکە بە ناوی کەشتیی (Southys)، بەڵام سوپای پاسداران کەشتییە ئێرانییەکەی رزگار کردووە و دەستی بەسەر کەشتی Southysدا گرت. ئاژانسی (رۆیتەرز) بڵاوی کردووەتەوە، کەشتیی Southysی ڤێتنامی دوای بڕیاری ئازادکردنی لەلایەن دەسەڵاتدارانی ئێرانەوە، بەندەر عەباسی ئێرانی بەجێ هێشتووە و گەیشتووەتە ئاوەکانی کەنداوی عومان. هەروەک ئەو ئاژانسە بڵاوی کردووەتەوە، ئێران نەوتی کەشتیی Southys بەتاڵ کردووە و درەنگانی شەوی سێشەممە 9-11-2021 ئازادی کردووە.