کۆمسیۆنی باڵای سەربەخۆی هەڵبژاردنەکانی عێراق دەنگەکانی 870 وێستگەی پێنج پارێزگا بەدەست دەژمێرێتەوە. عیماد جەمیل، ئەندامی تیمی راگەیاندنی کۆمسیۆن لە لێدوانێکی رۆژنامەوانیدا رایگەیاندووە: “کۆمسیۆن 15 تانەی دیکەی لەسەر ئەنجامەکانی هەڵبژاردن بەدەست گەیشتووە”. عیماد جەمیل هەروەها رایگەیاندووە: ئەمڕۆ سێشەممە 23-11-2021 پرۆسەی بەدەست ژماردنەوەی دەنگەکانی 870 وێستگەی دەنگدان، دەست پێدەکات. ئەو وێستگانەی دەنگەکانیان بەدەست دەژمێردرێنەوە، لە پارێزگاکانی زیقار، نەجەف، موسەننا، نەینەوا و بەغدان. رۆژی 10-10-2021، هەڵبژاردنی پێشوەختە بۆ خولی پێنجەمی پەرلەمانی عێراق بەڕێوەچوو و دوای راگەیاندنی ئەنجامە بەراییەکان، لایەنە شکستخواردووەکان ئەنجامەکانیان رەت کردەوە و تانەیان لە بەشێک لە وێستگەکان دا.
دەنگەکانی 870 وێستگەی پێنج پارێزگا بەدەست دەژمێردرێنەوە
