لە سنووری خورماتوو داعش هێرشی كردە سەر هێزێكی سوپای عێراق

لە سنووری گوندی “عبود”ی سەر بە ناحیەی ئامرلی لە قەزای خورماتوو، تیرۆریستانی داعش هێرشیان كردە سەر هێزێكی سوپای عێراق و تا ئامادەكردنی ئەو هەواڵە شەڕ لەنێوان تیرۆریستان و هێزەكە بەردەوامە. بەپێی زانیارییەكانی (باسنیوز) لە ئەنجامی ئەو شەڕە كوژرا و بریندار لە ریزی هێزەكەی سوپای عێراق هەیە، لەمبارەیەوە، عەمید حوسێن عەلی، بەڕێوەبەری پۆلیسی خورماتوو، بە (باسنیوز)ی ڕاگەیاند: “ئەمشەو پێنجشەممە، لە سنووری گوندی (عەبود)، تیرۆریستانی داعش هێرشیان كردە سەر هێزێكی سوپای عێراق”. گوتیشی: “وردەكاری زیانەكان لە بارەی هێرشەكەی داعشەوە نازانرێت، بەڵام سەربازێكی سوپای عێراق لە ئەنجامی ئەو هێرشەی داعش بە برینداری گەیەندراوەتە نەخۆشخانەی گشتیی خورماتوو”.