میسان… ئەفسەرێكی پۆلیس كوژرا

ئەمڕۆ، پێنجشەممە 3/2/2021، ئەفسەرێكی پۆلیسی عێراق بە پلەی رائد لە پارێزگای میسان لە باشووری عێراق كوژرا. سەرچاوەكانی هەواڵ بۆ راگەیاندنە ناوخۆییەكانی عێراق رایانگەیاندووە، كە بەرەبەیانی ئەمڕۆ پێنجشەممە، 3ی 2ی 2022، ئەفسەرێكی پۆلیسی عێراق بە پلەی رائد لە پارێزگای میسان لە باشووری عێراق، لەلایەن چەند چەكدارێكی نەناسراوەوە تەقەی لێ كراوە و كوژرا. سەرچاوەكان ئاشكرایان كردووە، كە حسام ئەلعەلیاوی، ئەفسەری پۆلیسی عێراقی بە پلەی رائد، بەرەبەیانی زووی ئەمڕۆ دراوەتە بەر دەستڕێژی گوللە و كوژراوە. روونیشیان كردووەتەوە، كە ئەم كردەوە تیرۆریستییە لە ناوەڕاستی پارێزگای میسان ئەنجام دراوە، بە هێرشكردنە سەر ئۆتۆمبێلی ئەلعەلیاوی لەلایەن چەكدارانی نەناسراوەوە. ئەوەشیان ئاشكرا كردووە، كە حسام ئەلعەلیاوی برای هەریەكە لە وسام و عسام ئەلعەلیاوییە، هەردوو سەركردەی عەسائیبی ئەهلی حەقە، كە لە ئۆكتۆبەری ساڵی 2019 لە پارێزگای میسان كوژران.