ل زاخۆ باندەکێ ماددێن بێهۆشکەر هات دەستەسەکرن

درەنگە ئێڤاریا ئەڤرۆ ل سنۆرێ ئیدارا سەربەخۆ یا زاخۆ دەست ب سەر باندەکێ ماددێن بێهۆشکەر دا هاتیە گرتن کۆ ل وەلاتێ ئیرانێ هاتبوون ژڤان بۆ بگەهنە وەلاتێ تورکیا. عەبدولوەهاب بارزانى، رێڤەبەرێ گشتى یێ ئاسایشا دەرۆزاێن سنۆرى و فرۆکخانا ل هەرێما کوردستانێ بۆ(باسنیوز) دیارکر: “ئێڤاریا ئەڤرۆ یا رۆژا چارشەمبى، ل ئیدارا سەربەخۆ یا زاخۆ دەست ب سەر رێژەکا ماددێ بێهۆشکەر دا هاتیە گرتن کۆ ل وەلاتێ ئیرانێ هاتیە و ژڤان بۆ بگەهیتە وەلاتێ تورکیا”. رێڤەبەرێ گشتى یێ ئاسایشا دەرۆزاێن سنۆرى و فرۆکخانا یێن هەرێما کوردستانێ ئەو چەندە ژى دیارکر: “رێژا ل زاخۆ دەست ب سەر دا هاتیە گرتن ٤٠ کیلۆیێن ماددێ بێهۆشکەر بوون ژ جۆرێ تلیاک کۆ دوو کەس ژى هاتنە دەستەسەرکرن”. گۆت ژى: “بتنێ ئەڤرۆ زێدەتر ژ ٦٠٠ کیلۆیێن ماددێ بێهۆشکەر دەست ب سەر دا هاتیە گرتن و ١٠ کەس ژى هاتنە دەستەسەرکرن، ئەو رێژە ل وەلاتێ سوریا و ئیرانێ هاتبونە ناڤ ئاخا هەرێما کوردستانێ، و پتریا وان کەسان خەلکێ دەرڤەى هەرێما کوردستانێ نە، ژڤإن بۆ بۆ وەلاتێ تورکیا ب ڤەگۆهێزن، لێ ژلایێ مە ڤە هاتنە دەستەسەرکرن”.