سعودیە ژمارەی حاجیانی ئەمساڵ زیاد دەکاتەوە

دەسەڵاتدارانی شانشینی عەرەبستانی سعودیە ژمارەی حاجیانی ئەمساڵ زیاد دەکەن. ئەمڕۆ شەممە 9-4-2022، وەزارەتی حەج و عومەی سعودیە رایگەیاندووە: پێویستە حاجیان چەند مەرجێکیان تێدا بێت کە مەرجەکان بریتین لە: – تەمەنی حاجی لە 65 ساڵ کەمتر بێت. – دوو ژەم پێکوتەی کۆرۆنای وەرگرتبێت. – 72 کاتژمێر بەر لە گەشتەکەی پشکنینی تایبەت بە کۆرۆنای کردبێت و ئەنجامەکە نێگەتیڤ بووبێت. وەزارەتی حەج و عومرەی سعودیە ئاماژەی بەوەش کردووە، ئەمساڵ ژمارەی حاجیانیان بۆ یەک ملیۆن حاجی لە ناوەوە و دەرەوەی وڵاتەکەیان، زیاد کردووە. ساڵی رابردوو (2021)، بەهۆی بڵاوبوونەوەی پەتای کۆرۆنا رێوڕەسمەکانی حەج تەنیا بەئامادەبوونی 60 هەزار حاجی، ئەنجام دران کە هەموویان خەڵکی سعودیە بوون.